ဦးဘုန်း-ဓာတု(မန္တလေး) ရေးသားတဲ့ နီးနီးဝေးဝေး အတွေးလက်ဆောင် အမည်ရတဲ့ စာအုပ်မိတ်ဆက်ခြင်းနဲ့ စာအုပ်ထုတ်ဝေခြင်းအထိမ်းအမှတ် အဖြစ် စာရေးဖော်ရေးဖက်၊ စာတွေးဖော်တွေးဖက်၊ စာရေးသူ၊ စာချစ်သူများကို ဖိတ်ကြားပြီး မန္တလေးမြို့ နန်းတော်ရှေ့က AnyWay Cafe မှာ မတ်လ(၉)ရက်နေ့ နံနက်(၁၁)နာရီက ပြုလုပ်ပါတယ်။ ဆရာသင့်နော်က အခမ်းအနားမှူးအဖြစ်ဆောင်ရွက်ပေးခဲ့ပြီး စာပြုသူ ဦးဘုန်း(ဓာတု)က စာအုပ်ထုတ်ဝေရခြင်းနဲ့ ပတ်သက်ပြီး ရှင်းလင်တင်ပြပါတယ်။ အဲဒီနောက်မှာ ဆရာကျော်ရင်မြင့်၊ ဆရာညီစေမင်း၊ အရှင်တက္ကသိုလ်တေဇလင်း၊ ဆရာမသင်းသင်း (မန္တလာ)နဲ့ ဆရာစိုးနိုင်(မန္တလေး)တို့က အမှတ်တရစကားများ ပြောဆိုကြပါတယ်။ တက်ရောက်လာသူတိုင်းကို စာအုပ် လက်ဆောင်ပေးအပ်ခဲ့ပြီး အကျွေးအမွေးနဲ့ ပျော်ပျော်ပါးပါး လက်ဆုံစားဖို့ တည်ခင်းဧည့်ခံပါတယ်။ ”ဦးဏှောက်နဲ့ ရင်းပြီး နှလုံးသားနဲ့ သန္ဓေတည်လို့ မွေးဖွားလာခဲ့တဲ့ စာအုပ်ဖြစ်ပါတယ်။ ဒီစာအုပ်ထဲက စာတွေဟာ ဆောင်းပါးမဟုတ်ပါဘူး။ ၀တ္ထုလည်း မဟုတ်ပါဘူး။ ကျွန်တော်ဟာလည်း စာရေးဆရာမဟုတ် ပါဘူး။ စာရေးသူပါ။ ကျွန်တော်တွေးမိတာလေးတွေကို ရေးတတ်သလို ရေးထားတဲ့ အတွေးစကားလေး တွေပါ”လို့ အမှာစာမှာရေးသားထားပါတယ်။ ပန်းဝေေ၀စာအုပ်တိုက်က ထုတ်ဝေတာဖြစ်ပြီး လူငယ်ရော လူကြီးပါဖတ်သင့်တဲ့ အတွေးစာအုပ်ဖြစ်ပါတယ်။
U Phone – Chemistry publish the new Book
March 10, 2008
Leave a Comment » | 
Mandalay, သတင်း | 
Permalink
Posted by sayaba
Good Bye … Sai ….
March 10, 2008
ကျွန်တော် ငယ်ငယ်ကတည်းက သီချင်းတွေကို နှစ်သက်ခဲ့တဲ့ နိုင်ငံကျော် အဆိုတော် စိုင်းထီးဆိုင်သည် ယနေ့နံနက်က ရန်ကုန်မြို့၌ ကွယ်လွန်သွားခဲ့ပါပြီ ….
ရန်ကုန်ဆေးရုံကြီးရှိ အစာအိမ်နှင့် အူလမ်းကြောင်းဌာနတွင် တက်ရောက်ကုသရင်း ယနေ့ နံနက် ၅ နာရီ ၄၅ မိနစ်က ရှမ်းအမျိုးသားအဆိုတော် (အသက် ၅၈ နှစ်) ကွယ်လွန်သွားခဲ့ခြင်း ဖြစ်တယ်လို့သိရပါတယ် …..
စိုင်းထီးဆိုင်သည် မန္တလေးတက္ကသိုလ်မှ စိုက်ပျိုးရေးဘွဲ့ ရခဲ့သူဖြစ်ကာ လက်တွဲဖော် သီချင်းရေးဆရာ စိုင်းခမ်းလိတ် ရေးသားသည့် ‘မန္တလေးရောက် ရှမ်းတယောက်’ သီချင်းစီးရီးဖြင့် မြန်မာပြည်တဝှမ်းမှာ စတင် နာမည်ကြီးလာသူ ဖြစ်ပါတယ် ….
သူ့ကို အဖ ဦးနန္ဒ ကမ္မဋ္ဌန်းဆရာနှင့် ကျောင်းဆရာမ ဒေါ်မြအိန် မှ ရှမ်းပြည်နယ် လင်းခေးမြို့နယ် ဝမ်ဟပ်ကျေးရွာအုပ်စု ယခ (စံပြကျေးရွာ) တွင် ၁၉၄၉ ခုနှစ် စက်တင်ဘာလတွင် မွေးဖွားခဲ့ပါတယ် … မွေးချင်းမောင်နှမ ၅ ဦးအနက် သူဟာ ဒုတိယမြောက် သားဖြစ်ကာ အမ၊ ညီနှင့် ညီမနှစ်ဦး ရှိပါတယ် ….
ကွယ်လွန်ချိန်တွင် ဇနီး ဒေါ်ခင်သန်းစိုး၊ သားတဦးနှင့် သမီးနှစ်ဦး ကျန်ရစ်ခဲ့သည်။ ယခုလ ၁၂ ရက်နေ့တွင် ရေဝေးသုသာန်၌ ဂူသွင်းသင်္ဂြိုဟ်မှာ ဖြစ်ပါတယ် ….
Leave a Comment » | 
သတင်း | 
Permalink
Posted by sayaba
